طجين الجبن
المقادير و طريقة التحضير:
نذوب في طنجرة مغرف كبيرة زبدة و نضيفلها مغرف كبيرة زيت نحط اطراف دجاج حسب رغبة نقليهم على نار هادئة ثم نضيف بصلة مفرومة ناعم و سنة توم مفروم نقلي مليح على نار هادئة و نزيد نضيف ملح وفلفل اسود و راس الحانوت و فنجال ماء ونقلي مليح ثم نمرق بماء ساخن حتى يتغطى دجاج كي تغلي لمرقة نصفيها في صفاية ولا كسكاس نرجع مرق لطنجرة و نرمي وش بقى في قاع البرمة خليط من توابل نقولولو تخ البرمة نرجع مرق ودجاج فوق نار على نار متوسطة حتى يطيب لدجاج وتختار لمرق نضيف عصير ربع حبة قارص ونطفي و اطراف دجاجة نحمرها في مقلة مذوبة فيها شوية زبدة نولي للحم المفرومة نأخد كمية حسب افراد العائلة نضيفلها بصلة مفرومة و سنة ثوم مفرومة وشوية معدنوس مقطع وكمية من فرماج و بيضة وملح وفلفل نعجنها مليح و ندهن لمول بزبدة و نحط فيه الخليط و نحط قطع من فرماج فوقو و نصب كمية قليلة من المرق و ندخلها للفور كي يطيب من تحت وينشف المرق نشعل من فوق يحمار شوية نطفي و نقطعو نحطو في صحن ونحط طرف دجاج الي حمرتو و نصب فوقو المرق و نزينو بلقارص و معدنوس.
إرسال تعليق
أرجو ترك تعليق لتشجيعي من أجل تحفيزي على نشر وصفات أكثر واي تساؤل او إستفسار سأكون حاضرة للاجابة عليها.