بطبوط محشي خفيف و لذيذ

 بنيون لذيذ و إقتصادي للأعراس و المناسبات السعيدة

المقادير:

1كغ كاوكاو محمص و مرحي خشين بلقشور

350غ حلوة ترك

20حبة ديول او خطفة او مسلوقة زوج باكيات نحمصوهم في الكوشة من فوق برك و نفتوهم بيدينا

3مغارف كبار زبدة ذايبة

شوكولا بيضاء مذابة على حمام مائي

شوية بيسطاش لتزين ولي معندوش يستعمل كاوكاو مدشدش بذوق بيسطاش. 

طريقة تحضير:

في وعاء نخلط كاوكاو مع حلوة الترك و ديول ثم نضيف زبدة المذابة و نلمها بشكولا بيضاء مذابة حتى نتحصل على خليط متماسك يمكن وضعه في صينية وبسطه بنفس المستوى و نضع فوقه طبقة رقيقة من شوكولا بيضاء ورشها ببسطاش لمرحي خشين كما يمكن عمله في مول سيلكون بدهنه بشوكولا بيضاء

طبقتين ووضعها في مجمد ثم نضع عليها خليط و نسحبها من المول و تزين إختياري حسب الذوق اما شكل الذي فوق الحلوى فهي يباع جاهزة نضع فيها شوكولا بيضاء و نضعها في المجمد وتصبح جاهزة نلصقها فوق الحلوى بقليل من شوكولا بيضاء صدقوني بزاف بنين و إقتصادي يستحق التجربة.