عجينة واحدة لعمل مقروض و براج طريين يذوبو في الفم
المقادير و طريقة التحضير:
3 کیلات سميد متوسط يميل للارطب انا ستعملت سباك كيلة و نص فرينة كيلة دهن انا درت كيلة غير ربع سمن و كملة كيلة بزبدة تعطيها ذوق هايل يعني كيلة مخلطة سمن و زبدة و نص كيلة زيت نخلط فرينة مع سميد تم نضيف دهن يكون دافئ مايش سخون نبسو ملیح بين اليدين تم ندير شوية ملح و نبلو بحليب وندخلوفي بعض بلا منعجن حوالي كيلة غير ربع حليب قادرة تزيدي حسب نوعية سميد نخليها تریح و نخدم الغرس بعد متنقیه و ترحیه انا درتو شوية قرفة و شوية جلجلان و شوية زبدة و عجنتو مع اضافة ماء الزهر كي نحسو طرى نحط شوية زيت و نلموا في مقروض طبعتو و طيبتو في فرن سخون على 200 درجة و في لبراج قسمت لعجين على زوج وحدة اكبر من تانية وا حليت كويرة صغيرة في ساشي و فوقها لغرس بعد محليتو شوية في ساشي و في أخير كويرة كبيرة قفلت علی جناب مليح و حليتها بيدي وعدلتها بلقنوط و قسمتها و طيبتها في طجين حديد سخون على نار هادئة .
إرسال تعليق
أرجو ترك تعليق لتشجيعي من أجل تحفيزي على نشر وصفات أكثر واي تساؤل او إستفسار سأكون حاضرة للاجابة عليها.