نبدأ على بركة الله اول حاجة شاربات ندير 3 كيلات سكر مع 6 كيلات ماء طرشون قارص نحطها على نار متوسطة 15 دقيقة ثم نضيف كيلة ماء الزهر و نخليه يبرد مليح نجيب سميد تاعي ونكيلو ونحطو في وسط سنيوة نشوف اذا وصل لنصف نكمل بنفس لكيلة اذا كان واطي بزاف ولا عالي بزاف نبدل لكيلة لازم لكيلة تاع سميدتوصل لوسط سنيوة باه يجي قلب لوز تاعي مليح الان نخلط 6 كيلات سميد الي كيلتهم نوعية سميد سفينة نصف غليض او مولا او سيم اذا مكانش اشري دشيشة تاع قلب اللوز عادي اي تتباع بلكيلو عند الي يبيع لوازم الحلويات مع 3 كيلات سكر عادي رشة ملح وحدة فاني ساشي ولا مغرف صغيرة فاني تاع لميزان نحرك لكل مع بعض و نرحيهم في روبو حولي 30 ثانية مطولوش كي تشوفو سكر طلع كي بودرة حبسي و متخافوش میترحاش دقيق الي معندهاش تقعد تحك فيه بين يديها ملیح حوالي ساعة هذي طريقة شوية متعبة بصح معليش تعطيك نتيجة مليحة منبعد ضيفي كيلة زبدة ذائبة و باردة متحطوهاش مرة وحدة ضيفي بشوية و بسيها بين و كفوف يديك و نبعد نزيد كيلة لبن نضيف بلعقل و نخلط بصابع يديا كي نخلص كمية نغطيها نخليها ترتاح 10 د ثم نولي نضيف نص كيلة ماء الزهر بشوية و نخلط بصباع يديا عندك تعجنيها كي تخلصي ماء زهر حطيه في بورت مونجي و غطيها و خليها ترتاح نص ساعة في هذا الوقت شعلي فور يسخن على 180 درجةو نبعد ادهني سنيوة تاعك بسمن مذاب و بارد احسن من زيدة تطلق لماء حطي خليط تاعك بلجزء على كامل سنيوة باه يسهل عليك توزيعو اعدلي بضهر ملعقة بعد متغطسيها في سمن و متضغطيش باه متتكونش طبقة يابسة من فوق قصيها و متوصليش لموس لتحت و دهنیها بسمن ذائب وركزي على لحواشي دخليها للفور الساخن في رف الوسطاني كي تحمار على جوانب هبطيها لرف لتحتاني و شعلي من فوق كي تحمار من فوق مطفيش اجبدیها و بداي سقي فيها بلعقل ضيفي بشوية بواسطة مغرف سفو " کي تلقايها حبست تشراب و بقا شربات و حبسي و رجعيها للفور شاعل من فوق برك كي تشوفيه شربت شوية ابقاي ضيفي في شربات على 3 دفعات حتى يخلص و هي داخل لفور كي تشوفيها تشربت شربات و بقى فيه كمية قليلة متنشفيهاش خلاص طفي لفور من فوق و خليها تتشرب باقي كمية الشربات و تبرد مليح و و قصيها حوالي 6 ساعات باه تحكم روحها .
إرسال تعليق
أرجو ترك تعليق لتشجيعي من أجل تحفيزي على نشر وصفات أكثر واي تساؤل او إستفسار سأكون حاضرة للاجابة عليها.