بطبوط محشي خفيف و لذيذ

بقلاوة تقليدية او تركية بطريقة جديدة و سهلة 

المقادير و طريقة التحضير:

 نبداو على بركة الله نصفي كيلو فرينة نضيفلها 250 غ زبدة بدرجة حرارة الغرفة ندخلها مليح في الفرينة حتى تصبح رملية ندير حفرة في الوسط ونحط فيها بيضة مخلطة مع مغرف كبيرة خل ندخلها في فرينة مليح و نفوتها في سيار و ندير مغرف صغيرة و ملح على جنب و نبلها بخليط نصو ماء دافئ ونصو ماء الزهر نبللها حتى حصول على عجينة طرية ندلكها 5 د و نقسمها 12 كورة نغطيها بساشي و نخليها ترتاح نص ساعة نروح نوجد كاوكاو تاعي درت حوالي 800 غ نحمصو و منحمروش بزاف نحكو مابين يديا حتى يطير لقشور و نسيرو في سيار باه يفوت لقشور لكثير ثم في اداة بلاستيك الي نقشرو و نقطرو فيها لبطاطا حتى يهبط کامل لقشور نرحيهم متوسط في روبو و نضيفو حوالي راغ جلجلان محمص يعطيها ذوق روعة نزدلها مغرف صغيرة فاني وكيلة ناقصة سكر انا جاني لكوكاو اربع كيلات درت بنفس لكيلة الي هي باطة زبدة تاع 250 غ كيلة ناقصة سكر خلطتها و خليتها على جنب و نولي لعجين تاعي بعد ميرتاح نجيب ستة كرات لولين نحل لولة دائرة صغيرة بساعدة النشاء و نحطها على و جنب و نحط فوقها كمية معتبرة من نشاء و نزيد نحل ثانية  بنفس الحجم و نحطها فوقها و نحط نشاء و نكمل حتى كويرة سادسة منحطش فوقها نشاء نخليهم بجنب و نعمل نفس العملية مع ستة كرات المتبقين و نزيد نخليهم على جنب نولي لستة كرات اللولين نبدی نحل بلقنوط من وسط و نروح لكل جهات باه متطبقش لعجين حتى نرققها ندهن سنيوة بسمن اذا حبيتيها تركية حطي سنيوة فوق لعجين و قطعي قدها حطي لعجين في تسنيوة ثم لحشو ثم ستة كرات متبقية بنفس الطريقة و نحط لجزء ثاني من عجين و نقصها و ندهنها مليح بسمن و نطیبها و نعسلها اما اذا و حبيتيها تقليدية نحيي طبقة لاولى من عجين راح تتنحى بسهولة لانو بيناتهم نشاء بلعقل و نلوبها علقنوط و نحي بشوية حتى نخلصها نهزها بلقنوط و و نحطها في السنيوة و نعدلها نثقبها بلكردو و ندهنها بسمن و نزيد ثانية بنفس الطريقة حتى لسادسة نثقبها بلكردو و مندهنهاش نرجع للحشو نضيفلو زوج مغارف كبار سمن ذايب و نرشها بماء و الزهر بلا منرجعها عجين نقتلها كي طعام حتى تقدر نشكل كرة في يدي نحبس نحطها فوق لعجين و نعدلها و بضهر الملعقة برفق نزيد نحل ستة طبقات المتبقية بنفس الطريقة و نثقب بيناتهم بلكردو و ندهن بسمن الا الطبقة الاخيرة نحي زوائد بلقنوط ثم تقطع شوية لحواش ي و ندخل لجناب لداخل ندهن بشوية سمن و ندخل لموس في سمن و نقص مقروضات كما موضح في الصورة و نزينها بشكل صدفة و نرشقها بلوز و نزید ندهنها فور مليح بسمن و نخليها تريح نص ساعة و نطيبها في مسخن على 80 درجة كي يحمار لجناب نشعل من فوق تحمار نحيها و نعسلها بكيلو عسل و نخليها تتشرب ليلة كاملة و نقصها .