بطبوط محشي خفيف و لذيذ

 بيتزا الطاجين إقتصادية و لذيذة و سريعة
 
المقادير و طريقة التحضير:

بالنسبة للعجينة هذي الكمية تعطينا خبزتين نكيل بكأس تاع قازوز تاع 250 مل ندير في اناء كأس حليب دافئ مع نص كأس فرينة مغرف صغيرة سكر و مغرف كبيرة خميرة الخبز 5 مغارف كبار زيت نخلط بلفوي و نغطيها ببلاستيك و نخليها تخمر 10 دقائق نضيف 2 مغارف صغار ملح منبعد نشيحها بلفرينة حتى حصول على عجين طري ندلكها حتى تولي ملساء و نحطها في اناء مدهون بزیت و نغطيها ببلاستيك و نخليها تخمر حتى يتضاعف حجمها نولي للصوص انا درت زوج حبات طماطم متوسطين رحيتهم في مكسور مع سنة ثوم ثم حطيتها في مقلة ضفتبها لملح و شوية هريسة و شوية سكرباه  تنحي لحموضة و شوية زيت نخليها تنشف نحيها نولي للعجين بعد ميخمر نقسمو لكرتين نحلهم بلقنوط و نرش لفرينة نحلها رقيقة و نسخن طاجين او مقلة تيفال نقص نار تكون هادئة باه طيب لعجين مليح نهز لعجين نلوحو في طاجين ولا لمقلة تيفال و نثقبو مليح بلفرشطة نبقى نعس فيها كي تحمار من تحت نقلبها و نحط صوص طوماط و زیتون و فرماج رابي كي تحمار من تحت نزلقها في سنيوة و ندخلها للفور مشعل من فوق 2 د باه يذوب الفرماج ثم نضيف بيض رابيتو بعد مغليتو و شوية مايوناز ونتي وش عندك ديري صدقوني خفيفة و هايلة وسهلة التحضير.