بطبوط محشي خفيف و لذيذ

براج يذوب في الفم 

المقادير و طريقة التحضير:

الكيلة الي إستعملتها باطة زبدة تاع 250 غ درت 3 کیلات سميد متوسط يميل للارطب انا استعملت سميد كنزة كيلة ونص فرينة شوية ملح نخلط ملیح نبسسها بكيلة و نص ايدام كيلة نصها زبدة ونصها سمن و نص كيلة زيت نبسسها مليح و نخليه تريح ساعة ونبلها بخليط نصفها حليب و نصفها ماء الزهر نفس الكيلة و نعمرها نص حليب و نص ماء الزهر بعد مندفي لحليب نضيفلو ماء الزهر و نعمرو الكيلة تاعنا انا بليتو بكيلة الاربع و نتي و نوعية سميد تاعك قادرة تزيدي قادرة تنقصي دون عجن دخليه في بعض بأطراف الاصابع فقط ونخليه يريح ساعة  بعد منغطيه بساشي نخدم لغرس تاعي  نقیه ملیح و نخدمو بيدي نضيفلو شوية زبدة وشوية سمن و جلجلان و قرصة خميرة وماء زهر و نعجن مليح و حتى يطرى الغرس ندهن يدي شوية زيت و نلمو و نحطو في ساشي نرجع للعجين انا لقيتو شرب كملت ضفتلو ربع كيلة الي بقات من خليط حليب و ماء الزهر و دخلتها فيه قسمت لعجين على زوج و فتحة كويرة الاولى وسط ساشي و زدت فتحت كويرة ثانية في ساشي تاني و لغرس أيضا بنفس الحجم ثم نحط الكويرة الأولى ثم لغرس ثم كويرة الثانية و نغلق لعحين و على لجناب باه میخرش لغرس ندير فوقها ساشي و نفتحها بلقنوط بسمك الي تحبوه و نطبعو بطابع لبراج و لا نقصو مقروضات بلموس اذا حبيت ندير شكل ريشة من فوق ونحط في طياب على وجه مزین باه یبقی شکل باين و نطيبو في طجين حديد مسخن على نار هادئة جدا على جهتين  صدقوني يذوب في الفم .