بطبوط محشي خفيف و لذيذ

كيكة المقلاة سريعة وإقتصادية و بنة رهيبة
المقادير و طريقة التحضير:

 نبداو على بركة الله نطلع بلباتور 4 بيضات بدرجة حرارة الغرفة مع 10 ملاعق كبار سكر وحدة فاني و رشة ملح كي يصبح لخليط لونو يميل للابيض و يتضاعف حجمو نيضيف 10 ملاعق زيت و نضرب ثم نضيف 10 ملاعق حليب و نضرب ثم نحبس نقسم لخليط على زوج نضيف للجزء الاول مغارف كبار فرينة مغربلين مع نص باكي خميرة كميائية وجزء الثاني 7 مغارف كبار فرينة مع مغرف كبيرة كاكاو و نص باكي خميرة كميائية و نخلط بسباتو من تحت للفوق نجيب لمقلة تاعي ندهنها بلبانسو بزيت ولازم تكون مقلة متلصقش نزيد نقسم لخليط لابيض على زوج نحط نصف في المقلة و هي باردة ثم نحطها فوق نار ذليلة و نغطي عليها كي نشوف ضاعف حجمها و حمارت شوية على جوانب نحي لجانب برفق بسباتو و نحاول نحيها برفق من مقلة سیسوها باه متتكسرش حركوها بلمقلة اذا تحركت اي تنحات نهزها شوية على الجنب و ندخل تحتها صحن مستوي و نحاول نزلقها فيه ثم نقلب لمقلة على صحن و نقلبها و هكذا باه متتكسرش تطيب شوية من تحت ثم نقلبها في صحن آخر و منقسهاش حتى تبرد نكمل کامل لكمية لخليط الابيض ثم نقسم خليط بني على زوج و تعمل نفس العملية و بين كل و وحدة نغسل لمقلة و نشفها و ندهنها بلبانسو بزيت تاني لبنات ملاحظة مهمة لخليط من احسن يكون ثقيل باه تسهل عليكم العملية اذا كمية فرينة الي عطتهالكم جاتكم خفيفة لانو كل فرينة و كفاه ممكن تزيدو كي نخلص كامل لكمية نحطهم يبردو مليح كل وحدة و حدها كي تبرد نحطها فوق بعض و نغطيها بطرشون نبدأ ندير الطبقة الاولى بيضة و نشربها انا درت كونفتور مخفف بشوية ماء الي معندهاش دير سيرو كيلة سكر بزوج كيلات ماء و طرشون قارص تغلي 10 د نسقيها و ندير كمية من كريمة الزبدة او أي كريمة متوفرة لديكم ثم  طبقةأخرى بنية و نسقيها ثم لكريمة تحطو الجيهة الي طابت عليها كي حطيتو الخليط من فوق يعني تحطوها عکس مطيبتوها باه تتشرب كي تكملو تغلفوها بلكريمة وتحطها في مجمد تحكم روحها تزین اختياري انا ذوبت شيكولا مع شوي حليب على حمام مائي کي بردت شوية صبيتها عليها و زينتها بلكريمة هي هايلة فقط لازم تسيسوها ولاهي عطيتكم جميع الاسرار انشاء الله تنجحو فيها.