بطبوط محشي خفيف و لذيذ

 

مقروض الكوشة:

المكونات و طريقة التحضير:

 نبدأ على بركة الله انا كيلة الي استعملتها باطة تاع زبدة تاع 500 غ و انتي كيلي بلكيل الي حبيتي ندیر 3 کیلات سميد من نوعية لمليحة سباك و لا كنزة ولا سميد ماما ولا سفينة هذو هايلين كيلة ونص فرينة انا نفضل فرينة ماما نخلط سميد مع فرينة و نزيد كيلة مخلطة سمن المدينة و زيدة ستار طرف تاع 200 غ مذوبین و باردین ولا دافئ میکونش سخون و نزيد نص كيلة زيت نحط ليدام في الخليط السابق راح يجي جاري متخافيش بسيه ملیح بين كفوف يديك غطيه بصينية و خليه ليلة كاملة يتشرب ليدام غدوة تلقایه شرب زيدي حليه من بعض و حكيه شوية بين يديك باه يتفتح جيبي نفس الكيلة ديري نصها ماء سخون و نص الآخر ماء الزهر حتى تتحصلي على خليط دافئ ديري كمية من ملح على جنب اقل من تاع لكسرة باه میجیش سامط بلي لعجين تاعك و دخليه في بعض بصباع يديك بلا متعجني حتى تتلم و تتحصلي على عجين طرية انا داتلي كيلة الا ربع و كل وحدة و سميدها قادرة تزيدي قادرة تنقصي غطي خليط بساشي و خليه على جنب شعلي لفور يسخن على 200 درجة و خدمي لغرس تاعك نقيه ملیه و خدميه بين يديك ضفيلو مغرف و كبيرة زبدة و شوية قرفة و جلجلان محمصة و باردة وضيفي ماء الزهر بشوية و عجنيها مليح حتى و تطری ادهني يدك شوية زيت و شكليه حرابش ولي للعجين تاعك اذا لقتيه شرب زيدي شوية ماء وماء الزهر اذا لقتيه كما خليتيه خلیه حطيه داخل ساشي اجبدي كمية العجين و حطي وسطها الغرس واغلقي مليح و ضغطي عليها من جانب الايمن الا اليسر با يمشي لغرس من اقسميه على زوج روليه حربوش و طبعيه وزيدي اضغطي و عليه على جوانب باه يتعدل قطيه ومرري من تحت بلموس باه تتنحى بسهولة ستفيه في البلاطو و دخليه يطيب في فور مسخن من تحت ثم من فوق خليه يبرد ونحيه و حتفضي بيه حتى وقت استعمال عسلية صدقوني يذوب الفم  وبصحة .