بطبوط محشي خفيف و لذيذ

 بقلاوة و ڨريوش بعجينة الفيلو

المقادير و طريقة التحضير:

 نحتاج الى 3.5 كيلة فرينة ونص كيلة نشاء ضفتلها رشة ملح و صفيتها بصفاية و ضفتلها كيلة و ربع سمن و زبدة و بيضة و لميتها بماء و ماء زهر حتى حصول على عجين طري قسمتها 6 كويرات و غطيتها و خليتها ترتاح نرجع للحشو رحيت للكوكاو متوسط ثلاث كيلات كيلة غير ربع سكر ضفتلو شوية فاني و رشيتو بماء الزهر حتى حصول على خليط كما لكسكس متكتریش باه میولیش عجين نخليه يرتاح نولي للعجين بعد 2 سا نبدأ نحل بلوحدة مع رش نشاء نحلها رقيقة خلاص ونحط وسطها نشاء و نطبقها على اتنین و نزید نحط فوقها نشاء و نزيد نحل تانية و نرققها خلاص ونحط فوقها نشاء و نطبق على زوج و نحطها فوق الأولى و نزيد نحط نشاء هكذا حتى نكمل ستة ثم بعد منحطهم كامل فوق بعض نزيد نحلها مليح بحلال حتى ترقاق نجيب سنيوة نحطها فوق لعجين و نقطع قد سنيوة مرتين وحة لفوق وحة لتحت نحط في سنيوة سمن ذائب و نحط طبقة من عجين تم حشو و طبقة ثانية من عجين و ندخل لعجين على لجناب مليح بسكين نقطع لبقلاوة تاعي مربعات او مقروضات حسب الرغبة و نحط فوقها كمية من سمن ذائب و ندخلها للفور مسخن طيب على 160 درجة من تحت كي تدي لون ذهبي نشعللها من فوق كي نخرجها نعسلها بعسل بارد حتی نحسها حبست شريب العسل نخليها تكمل تتشرب عسل ونقطعها و نقدمها اما لقريوش لعجين الي بقات زدت رققتها و طبعتها بطابع مدور مشرشف وحد كبير و زوج صغار ندير بيناتهم بياض البيض ونشكل وردة بضغط على جنبین و نقدر نحكمها بلکردو با نضمن منتحلش و نقليها في زيت سخون على نار شوية قليلة نحطها على وجها و نصب زين تم نقلبها و نزيد نصب عليها زيت باه تتفتح و بصحة .