بطبوط محشي خفيف و لذيذ

 بقلاوة تقليدية:

المكونات و طريقة التحضير:

 نبدأ على بركة الله الكيلة المستعملة باطة تاع زيدة تاع 250 غ درت 3 کیلات فرينة مغربلة مع نص مغرف صغير ملح و بسستها بكيلة الا ربع زبدة ستار مذوبة و باردة بسستها مليح و فوتها في سيار وبليتها بخليك مكون من ماء و ماء الزهر حتى حصول على عجين طري دلكتها شوية و قسمتها لسبع كرات حطيتها في ساشي و خليتها ترتاح ليلة كاملة دهنت سنيوة تاعي بسمن ذائب و بارد مليح و حليت كرية الاولی برش نشاء من فوق و تحت حليتها رقيقة مليح بلقنوط لويتها في قنوط و حطيتها في سنية عدلتها مليح على جوانب و ثقبتها بلکردو و دهنتها بسمن الذائب كررت العملية حتى حصول على اربع طبقات طبقة لاخير نثقبها بلکردو و مندهنهاش نروح للحشو ندير بنفس كيلة فرينة 3 كيلات كاوكاو محمص و مرحي متوسط مع كيلة ناقصة سكر و شوية فاني 3 مغارف كبار سمن ذائب و نرشها باء الزهر و نفتلها كي طعام حتى و كي نلمها في يدي تعمل كورية منعملهاش كي لعجين نفرشها فوق طبقة رابعة و نعدلها بضهر ملعقة و نزيد ندير طبقات و نثقب بيناتهم و ندهن بسمن الا طبقة لاخيرا نقصها بموس مدهون بسمن و نزينها بشكل وردة و نثبتها بحبة لوز و نبعد ندهنها بكمية و معتبرة من السمن و نخليها تريح نصف ساعة و نطيبها فور سخون على 180 درجة من تحت كي تحمار لحواشي نشعل من فوق كي تحمار نحيها و نعسلها بعسل بارد و انا درت 3 كيلات عسل المرجان بنفس كيلة فرينة و كاوكاو وضفتلو زوج مغارف كبار ماء الزهر و نخليها تتشرب مليح على لاقل ساعة و نقصها صدقوني ذوب في الفم .