بطبوط محشي خفيف و لذيذ

خبز الدار الإسفنجي:

المقادير و طريقة التحضير:

  هذا خبز من اروع مايكون  نبداو على بركة الله لكيلة هي باطة زبدة تاع 250 غ هذي كمية ديرلك زوج سنيوات ولا بلاطو كبير تاع كوشة ندير زوج کیلات سمید و كيلة فرينة مغرف كبيرة ونص خميرة خبز مغرف كبيرة سكر 4 ملاعق حليب غبرة شوية سينوج نخلط المكونات و نبسسها بفنجال زيت و ندير لملح حسب الذوق انا درت زوج مغارف صغار ونلمها بماء دافئ حتى حصول على عجين طري نعجنها مليح كي نحسها تعجنت شوية نبدأ نضيف في الماء الدافئ انا درت كأس الا ربع ماء تاع قازوز حسب نوعية سميد و فرينة قادرة تزيد قادرة تنقص المهم تتحصلي على عجين مطلوق مثل لمسمن تغطيها و تخليها تخمر كي يتضاعف حجمها نزدلها نص ساشي خميرة كميائية و بياض بيضة ومغرف كبيرة زبدة ندخلها مليح في لعجين نقسم لعجين على اثنين اي قرصتين ندهن سنيوة بزبدة و نحط فيها قرصة و نخليها تريح د و نشعل لفور على 200 درجة و كي تريح نحلها في سنيوة ونخليها تزيد تطلع فوق لفور و هو يسخن كي تضاعف الحجم تعها ندهنها بصفار بيضة مع شوية حليب و نرشها بلجلجلان و نثقبها بلكردو أربع ثقبات متکثروش و حطها طيب من تحت ثم من فوق كي تطيب نخليها تبرد فوق مشبك و نقصها و بصحة