بطبوط محشي خفيف و لذيذ

 كسرة محشية بنينة و إقتصادية

المقادير و طريقة التحضير:

 نبداو على بركة الله بالنسبة للعجين كيلة بكيلة تاع باط زبدة تاع 500 غ هذي كيلة عطاتني أربع خبزات صغار درت كيلة سميد مع كيلة فرينة كأس زیت بسستها مليح ثم ضفت مغرف كبيرة مايش مملوءة خميرة خبز و نص مغرف كبيرة ملح بللتها بماء عادي من قارورة لانو لجو راو ساخن حتى حصول على عجينة طرية متطريهاش باه تسهل عليك تحكم فيها حطيتها في ساشی و خليتها ترتاح مدة 5 اد و نروح نخدم الحشو نقص لبصلة تاعي طرونشات طوال و نقص معاها حب فلفل حلو و حبة فلفل حار نديرلها زوج مغارف کبار زیت و ملح في مقلاة على نار متوسطة حتى يذبالو ثم نضيف زوج حبات طماطم متوسطين بعد منقشرهم ونقصهم مربعات صغار نخليهم يطيبو مليح ثم نمعسهم شوية بلفرشطة كي تطيب لحشو نحيها و نخليها تبرد نولي للعجين بعد مرتاح و طلع شوية نبدأ نعجن فيه ونقطع و نسقي حتى حصول على عجينة ملساء نقسمها لثمن کرات نحط طاجين طين تاع لخساس يسخن على نار متوسطة متعليوش نار على لخر كما لكسرة نحل كورة اولی دائرة رقيقة ثم ثانية و الكرة الاولى تكون اكبر من الثانية نحط لكرة لولى نحط لحشوة تاعي و نحط شوية فرما ج رابي الي معندهاش متحطش معلیش و نحط فوقها لكورة ثانية ونغلق جوانب الكورة الاولى على ثانية و نضغط مليح نثقبها بلموس كي طيب طاجين نهزها برفق و نلوها في طاجين كل مصغرتوها تجيكم ساهلة نزيد نثقبها كي طيب من تحت نزيد نقلبها للجهة الاخرى و نطيبها مليح و تقدم صدقوني متتشبعش وفي نتناول الجميع .