بطبوط محشي خفيف و لذيذ

 غريبية الكاوكاو: 

المكونات و طريقة التحضير:

 كيلة سمن كي يعود يابس ذوبيه و خليه يجمد في ثلاجة حتى يصبح مثل زبدة بدرجة حرارة الغرفة ولا خليه حتى يطرى وحدو خارج الثلاجة كيلة ناقصة اصبع سكر كلاسي نطلعهم مليح مع بعض بلباتور حتى يصبح الخليط لونو ابيض ثم نضيف كيلة كاوكاو محمص و مرحی رقیق ثم نضيف 4 مغارف كبار فرينة محمصين نكمل نشيح بلفرينة بعد متغربلها حتى حصول على عجين طري لا تلتصق في الأيدي نحطها في ساشي نرش سطح بلفرينة ونطرح لعجين تكون سميكة شوية منرققهاش و نطبع بطابع هلال ولا بواسطة كأس نفرش و لبلاطو بورق الطهي و نحط لغريبية تاعي ندهنها من فوق بلبانسو ببياض البيض و نرش كاوكاو مرحي خشين و نحطها في فور مسخن على 160 درجة منحلش عليها كي تحمار شوية من تحت نشعلها شوية من فوق با يشيح بياض البيض عسوها و متقیسوهاش خلاص حتى تبرد نحيها من بلاطو ونخليها تبرد ملیح و نرش عليها بصفاية شوية سكر كلاسي.