بطبوط محشي خفيف و لذيذ

 خبز البرغر
المقادير و طريقة التحضير:

 في اناء نضع كأس حليب دافئ تاع 250 مل مع نص كأس ماء دافئ مغرف كبيرة خميرة الخبز مغرف كبيرة سكر زوج مغارف ونص ملح مغرف كبيرة خل و بيضة بحرارة الغرفة نخلط بلفوي مليح و نضيف فرينة حوالي كيسان حتى حصول على عجين طري ندلك شوية و نضيف مغرف كبيرة زبدة و ندخلها مليح في لعجين بدلك ثم نغطيها و نخليها تخمر في مكان دافئ لمدة ساعة نولي للحشو انا رحيت صدر دجاح ضفتلو شوية بصل و ثوم بودرة وملح وفلفل و عصرة قارص و مغرف صغيرة مطارد و شوية معدنوس مقطع و عجنتها مليح ندو و خليتها في الثلاجة ثم قرصتها قرصات صغار قد برقر و قليتها اما صلصة الي دهنت بیها البرقر خلطت مايوناز مع فرماج مثلثات  و سجيت أوراق خس انا نشتي نحطهم شوية في صوص تاع زيت وخل باه متجيش شايحة و طماطم قطعتها طرونشات و ضفتلها شوية ملح و رشة خفيفة كمون و نشوحها في مقلة مع قطرة زيت يعطيها طعم رائع و قليت كمية من بطاطا و درتلها بيض على شكل قرصة كبيرة و نقسمها على قد البرقر اما لعجين بعد مايخمر نهبطو و نساعد روحي بلفرينة ندير كرات اذا حبيتيهم كبار ديرلك هذي كمية 8 كرات تقدري تصغري ديرلك كمية أكبر كل مديري كرة كركبيها مليح و اضغطي من تحت كما لكسرة باه تحافض على شكلها في الفرن نفرش ورق الطهي و نحطها و نحطها فوق الفور تزيد تخمر بعد من نشعلو يسخن على 200 درجة بعد 10 د تخمر ندهنها بلحليب و نرش لجلجلان نطيبها من تحت ثم نشعل من فوق كي تحمار نحيها و نخليها تبرد ثم نقسم برقر تاعي بلخليط السابق ونحط لبطاطا ثم دجاج ثم طماطم ثم لخس و نغلق وتأكل بصحة صدقوني روعة و إقتصادية .